مساعدتكم ي جماعة الخير
2
1
إضغط هنا للإخفاء
بسم الله الرحمن الرحيم
السلام عليكم ورحمة الله تعالى وبركاته
اسعد الله صباحكم و مسائكم بكل خير وصحه و عافيه يا رب
واسال الله الكريم رب العرش العظيم ان يجعلنا وياكم
من اهل الفردوس .. قولو آمين
اخواني الغالين
قبل كل شي اسال الله ان يحفظ ابائنا و ابائكم من كل مكروه
و كل من فقد والده اسال الله تعالى ان يلقاه في جنات النعيم
الوالد يملك جيب نيسان 2009 قير عادي
و دايم يوقفه بالبايكه لكن بوابة البايكه ضيقه مره
و اعطى اخوي المفتاح عشان يطلع السياره
نسى اخوى وترك باب السائق مفتوح ورجع ريوس و ضرب
الباب بالجدار وصار وزن السياره كله ع الباب .. الين انعفس الباب
طبعا ابوي طلع الحالي و الحامض فيه .. كفر فيه يعني :/
لكني قررت اصلح السياره او ابدل الباب على حسابي
سوالي ي اخوان شوفو الصور و احكمو هل يتسمكر..??
او الافضل يتبدل ..??
في حالة تبديل الباب .. وين التشاليح اللي فيها جيوب نيسان
بدولتنا الموقره..??
الصور بالترتيب :-
1/ صوره للباب وهو مفتوح
2/صوره للباب و هو مغلق
3/ صوره للباب من فوق وهو مغلق
4/صوره للباب من عند المرايه وهو مغلق
5/صوره للباب من الاسفل
سامحوني تراني جاهل شوي و بالطايف مافي تشاليح
فيها جيوب نيسان و الوكاله اسعارها تسد النفس
ذلك مالي الا الله ثم انتو في الراي و الحكم
تحياتي لكم
و في امان الله ورعايته
إبلاغ
سيارات للبيع
الردود
مكتوب ومقدر بأجر يارب
يقدرون يسمكرونه لك وانت تضحك
يسمكرون لك ابخس من ذي بعد
لكن المشكله مب هنا
المشكله هل راح ترجع مثل ما اول في تقفيله وفتح الباب؟
اخاف تسمكرها ثم تسمع صوت تنسيم هوا
فان كانك تشتري من التشليح خذها بدون ديكور داخلي ارخص لك
وانصحك تمر الوكاله قبل لا تروح التشليح وتاخذ فكره عن السعر
الوكاله تبيع لك الباب حديد اسود وانت عليك رشه
ويمكن تلاقيه رخيص ومضمون افضل من التشليح
0
0
0
0
الباب مايفتح من قوة الصدمة ـ والشباك مايفتح والصدمة جاية مع يد الباب والحديد داخل ــ صدمة عنيفة
رحت للسمكري بـ 600 ريال صلح الشباك + مع يد الباب + مع الحديد ــ صراحة شغل ما توقعت من سمكري
حسيت رجوع الباب 100% طبيعي اللهم الرّش مكان البوية واضح لأن الصدمة أثرت على البوية كثير مع العفطات
فنصيحتي جرب سمكري كويس يسمكرها ويعدلها لأني مو شايف الضرر يستدعي تغيير باب كامل وما أظن راح يدخل تنسيم هواء من الباب
ليتني صورت سيارتي قبل وبعد .. عموما انصحك بالسمكري قبل شراء باب جديد وتجرب .. وسلامتك
0
0
بالنسبه لجده عندك تشليح بريمان مليون بالميه تحصل فيه ان شاء الله ونظيف وباللون الي تبغاه
لاكن دور على النظيف والرخيص واسأل عن سعرها بالوكاله اول عشان تعرف فرق السعر
بعض التشاليح فيهم نصب شويه يعطيك هو بسعر جديد او فرق بسيط جدا مايسوى انك ماتاخذه جديد
عشان كذا اسأل بالاول عن سعره بالوكاله بعدين انزل التشاليح ودور وفرفر براحتك
وتأكد من مفصلات الابواب انها سليمه لان الثقل كله على الباب زي ماني شايف
واذا تبغا توصيف لتشليح بريمان تواصل معاي خاص وابشر
قبل 10 سنه و 2 شهر